O novo portal ticmoveo.com foi creado para dar a coñecer os servizos e compartir o traballo que se leva a cabo no deseño de solucións tecnolóxicas innovadoras que faciliten o día a día das empresas no sector da mobilidade.
Con esta nova plataforma en liña, TicMoveo reflicte a súa principal motivación: impulsar proxectos de mobilidade intelixente a través das TIC e atender as necesidades de dixitalización dos diferentes axentes relacionados coa xestión do transporte.
A empresa especialízase en achegar todos os compoñentes tecnolóxicos ao servizo dos proxectos de mobilidade intelixente, en base ao coñecemento TIC e á Enxeñería, Desenvolvemento, Consultoría e Arquitectura Tecnolóxica de Sistemas Intelixentes de Transporte e Servizos Cidadáns. O noso equipo de desenvolvedores traballa actualmente en destacados proxectos do sector en Galicia, Valencia e Aragón.
TicMoveo forma parte do holding empresarial TEMA Grupo Consultor, para dar resposta ás necesidades de innovación tecnolóxica aplicadas ao sector do transporte e a mobilidade. TicMoveo nace en 2019 para complementar os traballos nos que participan o resto das empresas do grupo: Tema Enxeñería, iPlan Mobilidade e Abaco.
